நீங்கள் தேடியது "மகாத்மா காந்தி"

போபால்:

மகாத்மா காந்தியை கொலை செய்த கோட்சேவை ‘தேச பக்தர்’ என்று கூறியதன் மூலம் போபால் தொகுதி பா.ஜனதா வேட்பாளரும், பெண் சாமியாருமான பிரக்யா சிங் தாக்குர் சர்ச்சையில் சிக்கினார். அதற்காக அவர் மன்னிப்பு கேட்டார்.

இந்நிலையில், அவர் தனது சமூக வலைத்தள பக்கத்தில் கூறியிருப்பதாவது:-

எனது வார்த்தைகளால் எந்த தேசியவாதியாவது பாதிக்கப்பட்டு இருந்தால், மன்னிப்பு கேட்டுக்கொள்கிறேன். தேர்தல் பணிகள் முடிந்தநிலையில், இது சிந்திக்க வேண்டிய நேரம். பிராயச்சித்தம் தேடும் செயலாக நான் மவுனம் அனுசரிக்கப்போகிறேன். கடுமையான விரதத்தை தொடங்கி விட்டேன்.

இவ்வாறு அவர் கூறியுள்ளார்.

போபால்:

மத்திய பிரதேச மாநிலம் பா.ஜ.க. செய்தி தொடர்பாளராக இருந்தவர் அனில் சவுமித்ரா. இவர் சமூக வலைத்தளத்தில், மகாத்மா காந்தி, இந்தியாவின் தந்தை கிடையாது. அவர் பாகிஸ்தானின் தந்தை என பதிவிட்டு இருந்தார். ஏற்கனவே கோட்சே குறித்த பா.ஜ.க. நிர்வாகிகளின் பேச்சு சர்ச்சையை ஏற்படுத்திய நிலையில் அந்த கட்சிக்கு இது மேலும் நெருக்கடி ஏற்படுத்தியது.

இதையடுத்து அனில் சவுமித்ரா கட்சியின் அடிப்படை உறுப்பினர் பதவியில் இருந்து நீக்கி மத்திய பிரதேச மாநில பா.ஜ.க. தலைவர் ராகேஷ் சிங் நேற்று உத்தரவிட்டார். மேலும் ஒரு வாரத்துக்குள் தன்னுடைய பதிவுக்கு விளக்கம் அளிக்க வேண்டும் என்றும் அவருக்கு கெடு விதிக்கப்பட்டது.

சூக்ரே:

இந்திய ஜனாதிபதி ராம்நாத் கோவிந்த்,  லத்தின் அமெரிக்க நாடானா பொலிவியாவில் 3 நாள் சுற்றுப்பயணம்  மேற்கொண்டுள்ளார். இந்த சுற்றுப்பயணம் மிகுந்த முக்கியத்துவம் வாய்ந்ததாக கருதப்படுகிறது. இரு நாடுகளுக்கிடையேயான அரசியல் மற்றும் பொருளாதாரம் ஆகிய வளர்ச்சியினை அதிகரிக்க வலியுறுத்த உள்ளது. அங்கு பல்கலைக்கழகத்தில் நடந்த நிகழ்ச்சியில் ஜனாதிபதி ராம்நாத் கோவிந்த் உரையாற்றினார். அதில் அவர் கூறியிருப்பதாவது:


அன்றைய காலக்கட்டத்தில் நிலைத்த தன்மை, சுற்றுச்சூழல், உணர்திறன் மற்றும் இயல்புக்கு இணங்க வாழ்ந்து கொண்டிருந்த அவரது வாழ்நாளில் கூட, நம் தற்போதைய காலத்தின் சவால்களை கணித்தார். ஐநாவினால் ஏற்றுக் கொள்ளப்பட்ட நிலையான வளர்ச்சி இலக்குகள் யாவும்  காந்திய தத்துவத்தின் அடிப்படையை கொண்டதாகும்.

பொலிவியா பகுதியில் 2 இடங்களில் காந்தி சிலைகள் வைக்கப்பட்டுள்ளன. இது இந்தியாவின் தேசத் தந்தையான காந்திஜியின் 150வது பிறந்த நாளை கொண்டாடும் மற்றும் மிகப்பெரிய மரியாதை செலுத்தும் விதம் ஆகும். காந்தி 20ம் நூற்றாண்டின் மக்கள் செல்வாக்கு நிறைந்த மனிதராவார். காந்தியின் அரசியல் திட்டங்கள், நாட்டின் மீதுள்ள பற்று போன்ற சில முக்கிய கோட்பாடுகள் இந்திய பொருளாதாரத்தில் மிகப்பெரும் வளர்ச்சியை ஏற்படுத்தியுள்ளது. அவரது கொள்கைகள் இன்றளவும் இந்தியாவின் வளர்ச்சிக்கு முக்கிய பங்காற்றி வருகின்றன.

இவ்வாறு அவர் கூறினார்.#RamNathKovind #MahatmaGandhi

புதுடெல்லி:

தேசத் தந்தை மகாத்மா காந்தி 1948-ம் ஆண்டு ஜனவரி மாதம் 30-ந் தேதி துப்பாக்கியால் சுட்டு கொல்லப்பட்டார்.

அதற்கு முன் காலங்களில் அவரது உடல் நிலை எப்படி இருந்தது? என்பது பற்றிய மருத்துவ அறிக்கை குறித்து இப்போது வெளியாகி உள்ளது.

இந்திய மருத்துவ கவுன்சிலிங் நடத்தும் மருத்துவ கமிட்டி பத்திரிகையில் இந்த அறிக்கை வெளியிடப்பட்டுள்ளது. காந்தி பற்றிய பழங்கால மருத்துவ அறிக்கையை தேடி அதை தொகுத்து வெளியிட்டு இருக்கிறார்கள்.

அதில் 1939-ல் மகாத்மா காந்தி 46.7 கிலோ எடை மட்டும் இருந்தார். அவரது உடல் 5 அடி 5 அங்குலமாக இருந்தது. உயர் ரத்த அழுத்த நோயில் அவதிப்பட்டு வந்தார் என குறிப்பிடப்பட்டுள்ளது.

அவருக்கு 1925, 1936, 1944 ஆகிய ஆண்டுகளில் மலேரியா நோய் தாக்கி இருந்தது. சரி செய்ய முடியாத அளவிற்கு நுரையீரல் அழற்சி நோய் தாக்கி இருந்தது. மேலும் நுரையீரல், இதயத்தில் சுருக்கம், ஆங்காங்கே குழிகள் தோன்றி இருந்தன.

காந்தி தினமும் அதிக தூரம் நடந்து செல்வதை வழக்கமாக கொண்டிருந்தார். இவ்வாறு 185 கிலோ மீட்டர் தூரம் வரை நடந்து செல்வார். இவர் 1913-ல் இருந்து 1948-ல் கடைசி வரை 79 ஆயிரம் கிலோ மீட்டர் தூரம் நடந்ததாக கணக்கிடப்பட்டுள்ளது. இது பூமியை 2 தடவை சுற்றி வரும் தூரமாகும்.

காந்திக்கு 1937 மற்றும் 1940 ஆகிய நாட்களில் இ.சி.ஜி. பரிசோதனை நடத்திய இந்த இடைப்பட்ட காலத்தில் அவரது உடல் நிலையில் பல்வேறு மாற்றங்கள் ஏற்பட்டு இருந்தன.

அவருக்கு இயற்கை மருத்துவம் மீது அதிக ஆர்வம் இருந்தது. எனவே இயற்கை மருத்துவ முறைகளை அதிகம் சாப்பிட்டார். அது மட்டுமல்ல தனது உடலையே இயற்கை மருத்துவ பரிசோதனைக்கு பயன்படுத்திக் கொண்டார்.

மனதை நன்றாக வைத்திருந்தால் உடல் ஆரோக்கியம் நன்றாக இருக்கும் என்பதில் மிகுந்த நம்பிக்கை கொண்டிருந்தார்.

மகாத்மா காந்தி தொடர்பான பல்வேறு மருத்துவ ஆவணங்கள் மூலம் இந்த தகவல்களை திரட்டியதாக இந்த மருத்துவ கவுன்சில் டைரக்டர் பல்ராம் பாகவா தெரிவித்தார்.  #MahatmaGandhi

புது டெல்லி:

தேசத்தந்தை மகாத்மா காந்தியின் 71-வது நினைவு தினம் இன்று அனுசரிக்கப்படுகிறது. இதையொட்டி நாடு முழுவதிலும் அவரது திருவுருவச் சிலைகளுக்கு மாலை அணிவிக்கப்பட்டு மரியாதை செலுத்தப்பட்டது. அவரது நினைவிடம் மலர்களால் அலங்கரிக்கப்பட்டு மரியாதை செலுத்தப்பட்டது.


ராஜ்காட்டில் காந்தியின் விருப்பமான பஜனை பாடலான ‘ரகுபதி ராகவ ராஜாராம்’ பாடல் ஒலிபரப்பப்பட்டது. பின் காங்கிரஸ் தலைவர் ராகுல் காந்தி மற்றும் முன்னாள் பிரதமர் மன்மோகன் சிங் ஆகியோர் காந்தியின் நினைவிடத்திற்கு வந்து அஞ்சலி செலுத்தினர். பல்வேறு மத்திய அமைச்சர்களும், அரசியல் கட்சி தலைவர்களும் காந்தியின் நினைவிடத்தில் அஞ்சலி செலுத்தினர்.
 
மகாத்மா காந்தியை நினைவு கூரும் விதமாக, பிரதமர் மோடி டுவிட்டரில் பதிவிட்டுள்ளார். அதில் ‘மகாத்மா காந்தி காட்டிய பாதையை பின்பற்றவும், என்றென்றும் அவர் மதிப்புகளை எடுத்துரைக்கவும் வலியுறுத்தி வருகிறோம்’ என தெரிவித்துள்ளார்.

மேலும் நாட்டிற்காக தங்கள் இன்னுயிரை தியாகம் செய்த அனைவருக்கும் நன்றி எனவும், அவர்களின் சேவை மற்றும் தியாகத்தை நாட்டு மக்கள் அனைவரும் நினைவுகூர கடமைப்பட்டிருக்கிறார்கள் எனவும் மோடி தெரிவித்துள்ளார். #MartyrsDay #MahatmaGandhi
 

புதுடெல்லி:

தேசத்தந்தை மகாத்மா காந்தி கடந்த 1948-ம் ஆண்டு இதேநாளில் (ஜனவரி 30-ம் தேதி) நாதுராம் கோட்சேவால் சுட்டுக்கொல்லப்பட்டார்.  நாதுராம் கோட்சேவால் மகாத்மா காந்தியை மிக எளிதாக நெருங்கி, சுலபமாக சுட்டுக்கொல்ல முடிந்தது எப்படி? என்பது தொடர்பாக காந்தியின் உதவியாளராக பணியாற்றிய கல்யாணம்(96) என்பவர் குறிப்பிட்டுள்ளார்.


காந்தி கொல்லப்படுவதற்கு சில வாரங்களுக்கு முன்னதாகவே அவரது உயிருக்கு ஆபத்து இருப்பதாக டெல்லி போலீசார் எச்சரித்திருந்தனர். அதனால், அவரை தங்களது பாதுகாப்பு வளையத்துக்குள் கொண்டு வரவும் முயன்றனர். ஆனால், இதை காந்தி மறுத்து விட்டார்.

‘பாதுகாப்பில் எனக்கு நம்பிக்கை இல்லை. எனக்கு பாதுகாப்பு தேவையும் இல்லை. என்னை பாதுகாப்பு வளையத்துக்குள் கொண்டுவர முயன்றால், நான் டெல்லியை விட்டு வெளியேறி வேறெங்காவது சென்று விடுவேன்’ என காந்தி திட்டவட்டமாக தெரிவித்து விட்டார்.

பாதுகாப்புக்கு காந்தி சம்மதித்து இருந்தால் அவரை சந்திக்க வந்தவர்களை எல்லாம் தகுந்த பரிசோதனைக்கு உட்படுத்தி இருக்கலாம். அவரது படுகொலை தவிர்க்கப்பட்டிருக்கலாம்.

இவ்வாறு கல்யாணம் கூறினார்.

காந்தியின் அருங்குணங்களைப் பற்றி மிக குறிப்பிடத்தக்க சம்பவம் ஒன்றை தெரிவிக்க முடியுமா? என்ற கேள்விக்கு பதிலளித்த கல்யாணம், ‘நீங்கள் மிகப்பெரிய தலைவர் ரெயிலில் பயணிக்க உங்களுக்கு டிக்கெட் எதற்கு?’ என்று கூறிய ஒரு ஸ்டேஷன் மாஸ்டரை காந்தி அன்புடன் கண்டித்தார்.

காந்தி பயணம் செய்வதற்காக தனியாக ஒரு பெட்டி ஒதுக்கப்பட்டிருந்தது. ஆனால், அவர் என்னிடம் பணத்தை தந்து எங்களது ரெயில் பயணத்துக்கான மூன்றாம் வகுப்பு டிக்கெட்டை வாங்கி வருமாறு கூறினார்’ என தெரிவித்தார்.


காந்தியின் உயிர் பிரிந்தபோது அவரது அருகில் இருந்த கல்யாணம் அந்த துயரச்செய்தியை அந்நாள் பிரதமர் ஜவஹர்லால் நேரு மற்றும் உள்துறை மந்திரி வல்லபாய் பட்டேல் ஆகியோருக்கு முதல்முதலாக தெரிவித்தார்.

காந்தி மறைந்த பின்னர் லண்டன் நகருக்கு சென்ற கல்யாணம் இந்தியாவின் கடைசி வைசிராய் மவுண்ட்பேட்டன் மனைவியும், ஜவஹர்லால் நேருவின் நெருங்கிய தோழியுமான எட்வினா மவுண்ட்பேட்டனின் செயலாளராக சில ஆண்டுகள் பணியாற்றினார்.

பின்னர் இந்தியாவுக்கு திரும்பி தமிழக முன்னாள் முதலமைச்சர் மறைந்த ராஜாஜி, தேசியத்தலைவர் ஜெயப்பிரகாஷ் நாராயணன் ஆகியோரிடம் உதவியாளராக பணிபுரிந்தார். கடந்த 2014-ம் ஆண்டு ஆம் ஆத்மி கட்சியில் தன்னை இணைத்துக் கொள்வதாக தெரிவித்திருந்தார் என்பது நினைவிருக்கலாம். #Gandhiji #RIPGandhiji #Gandhijiassasination #Mountbatten